पोखरा ।
पोखरा १२ शीतलादेवीमा अवस्थित शीतलादेवी सामुदायिक माविमा शैक्षिक सत्र २०८२ का लागि निर्वाचनबाट कप्तान र उपकप्तान चयन गरिएको छ । विद्यार्थीमा लोकतान्त्रिक मूल्य, मान्यता बढाउनुका साथै व्यवहारिक ज्ञान हाँसिल गराउने अभिप्रायले चुनाव गरिएको हो ।

निर्वाचनमा ४ सय २० जना विद्यार्थी मतदातका रुपमा सहभागी बने । विद्यालय क्याप्टेनमा हिमाल चिन्हका उम्मेदवार विपिन दर्जी २ सय ४५ मत प्राप्त गरी विजयी हुँदा उपकप्तानमा लालीगुरा“स चिन्हकी उम्मेदवार अञ्जली थापाले १ सय ९७ मत प्राप्त गरी चुनिइन् ।

निर्वाचनको परिणाम निर्वाचन अधिकृत एवं विद्यालयका शिक्षक आशीष थापा क्षेत्रीले घोषणा गरेका थिए । निर्वाचन समितिमा शिक्षकहरु अर्जुन भण्डारी, रामचन्द्र अधिकारी, खेमराज पौडेल, रोशन आचार्य, खेमराज रेग्मी र शिवलाल सुवेदी थिए । प्रधानाध्यापक बाबुराम अधिकारीले निर्वाचन प्रक्रियामाथि प्रकाश पार्दै निर्वाचितहरुलाई बधाई दिए ।