पोखरा । गोरखा नगरपालिका-४ फिनाममा बसले किच्दा ४ वर्षकी सबिना सुर्खेतीको मृत्यु भएको छ भने उनकी आमा २२ वर्षकी विनीता सुर्खेती घाइते भएकी छन् ।

गोरखा बजारबाट कोखे आहालेतर्फ जाँदै गरेको ग२ख ९२९ नम्बर बस चढेर आएका उनीहरूलाई दिउँसो साढे १ बजे फिनामचोकमा ओर्लने क्रममा सोही बसले किचेको हो ।

सबिनाको घटनास्थलमै मृत्यु भएको जिल्ला ट्राफिक प्रहरी कार्यालयले जनाएको छ । विनीताको प्रदेश अस्पताल गोरखामा उपचार भइरहेको ट्राफिक प्रहरी कार्यालयका सूचना अधिकारी दुर्गाप्रसाद बञ्जाडेले बताए ।

बस चालक भिमसेनथापा गाउँपालिका-४ धावाका विनोद लामिछाने प्रहरी नियन्त्रणमा छन् ।