पाेखरा । मझेरी बचत तथा ऋण सहकारी संस्था लिमिटेड, मझेरीपाटन–१४, पोखराको २०८२ सालको वार्षिक अधिवेशन उत्साहजनक रूपमा सम्पन्न भएको छ।

नयाँ कार्यसमितिमा निम्न पदाधिकारीहरू चयन भएका छन्: अध्यक्ष: महेश कार्की उपाध्यक्ष: पशुपति पौडेल सचिव: पार्वती बास्तोला कोषाध्यक्ष: एकेन्द्र कुँवर सह–सचिव: कोपिला श्रीष सदस्यहरू: उमा कुमारी थापा, महेन्द्र बहादुर कुँवर, हेमन्त ढकाल, विमा देवी बिक, दिलकुमारी घर्ती, सुशीला कार्की, सरिता कार्की, र राजेन्द्र ढुंगाना।

कार्यक्रमको प्रमुख आकर्षणका रूपमा संस्थाका पूर्व अध्यक्ष रामचन्द्र कुँवरले संस्थाले विगतदेखि निर्माण गरेको सहकार्य र पारदर्शिताको परम्परा नयाँ कार्यसमितिले अझ सशक्त बनाउने विश्वास व्यक्त गरे। संस्थापक अध्यक्ष गनेस पौडेलले आफ्नो मन्तव्यमा सहकारीको प्रारम्भिक संघर्ष, उद्देश्य र सामूहिक यात्रालाई स्मरण गर्दै सहकार्यको भावना अझ मजबुत बनाउँदै जानुपर्नेमा जोड दिए।

निर्वाचन उप–समितिका संयोजक तथा पूर्व अध्यक्ष बाटु कृष्ण कुँवरले निर्वाचन प्रक्रिया र सहमतिमा पुगेको पृष्ठभूमिबारे जानकारी दिँदै सबै उम्मेदवारहरूलाई एकै स्वरमा सर्वसम्मत बनाउनु उपलब्धि भएको बताए।

पदस्थापन कार्यक्रमको सञ्चालन रामजी पौडेलले गर्नुभएको थियो। कार्यक्रमलाई विभिन्न सरोकारवाला प्रतिनिधिहरू, पूर्व पदाधिकारीहरू र सदस्यहरूले सम्बोधन गरेका थिए। सबै उम्मेदवारहरू सर्वसम्मत चयन भएकाले संस्थामा विश्वास र एकताको सन्देश प्रवाहित भएको बताउँदै नयाँ कार्यसमितिले सहकारीको सेवा गुणस्तर, वित्तीय अनुशासन, र प्रविधिमैत्री सेवा प्रणालीलाई प्राथमिकतामा राखेर काम अगाडि बढाउने प्रतिबद्धता व्यक्त गरेको छ। कार्यक्रममा पोखरा महानगरपालिकाको सहकारी विभाग, अन्य सहकारी प्रतिनिधि, स्थानीय समाजसेवीकाे उपस्थिति रहेको थियो।