पोखरा ।
नेपाली कांग्रेस गण्डकी प्रदेश कार्यसमिति अन्तरगत पर्यटन विभाग प्रमुखको जिम्मेवारी प्रदेश सदस्य आशिक गुरुङले पाएका छन् । गण्डकी प्रदेश सभापति शुक्रराज शर्माले उनलाई नियुक्त गरेका हुन् ।

कांग्रेस कास्कीको महाधिवेशन प्रतिनिधि समेत रहेका उनी युवा पर्यटन व्यवसायी हुन् । गुरुङ पोखराको लेकसाइडमा रहेको होटल माउण्टेन टप तथा अल्टिच्यूट रुफ टप बारका सञ्चालक हुन् ।

पर्यटनबाट देशको समृद्धि हुने गुरुङले बताए । नेपालमा पर्यटनमा ठूलो लगानी रहेको बताउँदै यसमा सरकार तथा सम्बन्धित निकायले ध्यान दिनुपर्ने उनको भनाइ छ ।

उनी नेविसंघ जनप्रिय बहुमुखी क्याम्पसका संस्थापक स्ववियु सभापति हुन् ।