पोखरा ।

नेकपा एमालेको भातृसंगठन युवा संघको पोखरामा जारी महाधिवेशनबाट नयाँ नेतृत्वका लागि निर्वाचन प्रक्रिया अन्तर्गत मंगलबार मतदान भएको छ । मंगलबार अपराह्न सकिएको मतदानमा १ हजार ४०४ मत खसेको छ । निर्वाचनमा १ हजार ७६४ प्रतिनिधि मतदाता थिए ।
पोखरामा शुक्रबारदेखि जारी राष्ट्रिय युवा संघको १० औं महाधिवेशनमा अध्यक्षका दाबेदारहरुले दाबी नछाड्दा निर्वाचन भएको हो । अध्यक्षमा वर्तमान अध्यक्ष क्षितिज थबे र महासचिव सुमन पुरी उम्मेदवार छन् ।

विद्युतीय मतदान भएको हुँदा निर्वाचन नतिजा आजै मंगलबार राति नै आउने बताइएको छ ।