पोखरा ।
इन्टरनेट सेवा प्रदायक क्लासिक टेकले व्यवसायिक प्रयोगकर्तालाई लक्षित गरी १ जिबिपिएस इन्टरनेट स्पीड भएको ‘एंटरप्राइज प्रो’ सेवा सार्वजनिक गरेको छ । कम्पनीले सार्वजनिक गरेको यो नयाँ प्याकेज विशेषतः होस्टेल, विद्यालय, अस्पताल, सूचना प्रविधि (आईटी) कम्पनी, कन्सल्टेन्सी, होटल लगायत धेरै प्रयोगकर्ता भएका व्यवसायलाई ध्यानमा राखेर डिजाइन गरिएको हो ।

हाल साना स्पिडका इन्टरनेट सेवामा धेरै प्रयोगकर्ता जडान हुँदा स्पिड कम हुने र नेटवर्कमा भिड हुने समस्या आइरहेको छ । सोही समस्या समाधान गर्नका लागि उच्च गति र भरपर्दो सेवा आवश्यक परेकाले यो सेवा सुरु गरिएको हो ।

‘एंटरप्राइज प्रो’ प्याकेज अन्तर्गत ग्राहकले निःशुल्क पब्लिक आइपी एड्रेस, लेयर २ सपोर्ट र वाइफाइ ६ राउटर प्राप्त गर्ने छन् । कम्पनीले सेवा सुरु गर्ने क्रममा आकर्षक मूल्य पनि तोकेको छ ।

यस अनुसार १ जीबीपीएस इन्टरनेटको मासिक शुल्क ७२९९ देखि सुरु हुनेछ। क्लासिक टेकले ५०० एमबीपीएस स्पीडको ‘एंटरप्राइज प्रो’ प्याकेज पनि सार्वजनिक गरेको छ । हाल यो सेवा काठमाडौंसहित देशभरका प्रमुख सहरहरूमा उपलब्ध भइसकेको छ ।