पोखरा ।
पोखरा १० रामघाटमा अवस्थित टप्स माध्यमिक विद्यालयमा जुनियर रेडक्रस सर्कल पुनर्गठन भएको छ । कक्षा ६ देखि १० सम्मका करिब ६०० विद्यार्थीको सहभागितामा भएको निर्वाचनबाट दर्शन क्षेत्री अध्यक्ष चुनिएका छन् ।

सचिवमा एलिना गुरुङ, सहसचिवमा सनिम गुरुङ, कोषाध्यक्ष आयुष विक, सहकोषाध्यक्षमा सम्राट भुजेल निर्वाचित भएका छन् । कार्यसमिति सदस्यमा अनमोल घले, दीप्ति गुरुङ, जोसेलिन गुरुङ र सुदर्शन कार्की निर्वाचित भए ।

यो निर्वाचनले विद्यार्थीलाई लोकतान्त्रिक प्रक्रियाको अनुभवसहित नेतृत्व विकास र सामाजिक उत्तरदायित्वको अभ्यास गर्ने अवसर मिल्ने बताइएको छ ।

सामाजिक विकास प्रमुख मीनप्रसाद तिवारीको संयोजकत्वमा सञ्चालित उक्त निर्वाचन निष्पक्ष र सौहार्दपूर्ण वातावरणमा भएको संस्थापक सदस्य युवराज लामिछानेले बताए ।