पोखरा ।
वडा सचिव मिलन केन्द्र नेपालको चौथो वार्षिक साधारण सभा एवं दोस्रो अधिवेशनले झंकनाथ पौडेलको अध्यक्षता नयाँ समिति निर्वाचित गरेको छ । समितिको उपाध्यक्षमा रुपा गाँउपालिकाबाट अर्जुन लामिछाने, सचिव पोखराबाट युवराज पौडेल, कोषाध्यक्षमा पोखरा २९ की सचिव दुर्गा न्यौपाने र सहसचिवमा सुदीप चापागाई चुनिए ।

सदस्यहरुमा कृष्णप्रसाद शर्मा, खुमलाल लामिछाने, राजु पौडेल, बुद्धिमान लामिछाने, हरिमाया खत्री, शिवहरि शर्मा, लक्ष्मण शर्मा छन् । नवनिर्वाचित अध्यक्ष पौडेलले कार्यक्रममा भावी कार्यक्रमसमेत राखेका थिए ।

कास्की जिल्लाका स्थानिय तहमा कार्यरत वडा सचिवहरुलाई एक्यवद्धता गरी बिभिन्न सामाजिक, बौद्धिक पेशागत तथा परोपकारी क्षेत्रमा काम गर्न संस्था गठन भएको हो । अध्यक्ष कुलराज पौडेलको अध्यक्षतामा भएको कार्यक्रममा मञ्जु ढुंगाना र चन्द्रकान्त तिमिल्सिनाले पनि बोलेका थिए । नयाँ समिति चयनका लागि चन्द्रकान्त तिमिल्सिनाको संयोजकत्वमा बनेको निर्वाचन समितिले सघाएको कार्यसमिति सदस्य शिवहरि शर्माले बताए ।