पोखरा ।

सशस्त्र प्रहरी बल, नेपालले सशस्त्र प्रहरी बरिष्ठ नायव निरीक्षकदेखि सहायक हवल्दारसम्मको २ हजार जनाको बढुवा हुने गरी सूचना प्रकाशित गरेको छ ।

मुख्यालयले सशस्त्र प्रहरी सेवा साधारण समूह, साधारण उपसमूहतर्फको सशस्त्र प्रहरी बरिष्ठ नायव निरीक्षक र सशस्त्र प्रहरी नायव निरीक्षक तथा सशस्त्र प्रहरी सेवा, साधारण समूह, लेखा उपसमूहतर्फका सशस्त्र प्रहरी नायव निरीक्षकमा बढुवा हुनको लागि बढुवा सूचना प्रकाशित गरिएको मितिदेखि १० दिन भित्र बढुवा फाराम भर्न भनिएको छ ।

त्यसैगरी सशस्त्र प्रहरी बरिष्ठ हवल्दार, हवल्दार र सहायक हवल्दार पदमा बढुवा हुनको लागि समेत बढुवा सूचना प्रकाशित गरिएको मितिले १५ दिनभित्र बढुवा फाराम भरी बढुवा समितिको सचिवालयमा पेश गर्न भनिएको छ । प्रकाशित सूचनाअनुसार बढुवाका लागि योग्य उम्मेदवारले आफुले प्राप्त गरेको शैक्षिक योग्यता र बढुवा प्रयोजनार्थ आवश्यक पर्ने प्रमाणपत्रहरुको प्रतिलिपिहरु संलग्न गरी मूल्यांकन फाराम भरी बढुवा समितिको सचिवालयमा पेश गर्नुपर्ने सशस्त्र प्रहरीका सहप्रवक्ता डिएसपी शैलेन्द्र थापाले बताए ।