पोखरा ।
पोेखरा ८ सृजनाचोकमा अवस्थित सृजना सेकेन्डरी स्कुलको आयोजना र जुनियर रेडक्रस सर्कल सृजना माविको व्यवस्थापनमा अन्तर सदनात्मक नेपाली शब्दखेल प्रतियोगिता भएको छ ।

अतिरिक्त क्रियाकलाप अन्तर्गत शुक्रबार र आइतबार भएको अन्तर सदनात्मक नेपाली शब्दखेल प्रतियोगिता तहगत एवं कक्षागत रूपमा गरिएको थियो । शुक्रवारका दिन कक्षा ४–१० सम्म र आइतबार कक्षा १–३ सम्मका प्रतियोगिता भएका हुन् ।

प्रतियोगिता कक्षा १ देखि ८ सम्म कक्षागत रूपमा र कक्षा ९ र १० तहगत रूपमा सञ्चालन भएको थियो । माध्यमिक तह (कक्षा ९ र १०) बाट हरियो सदनले प्रथम र रातो सदन द्वितीय स्थान हाँसिल गर्न सफल भएका थिए । कक्षा ८ मा रातो सदन प्रथम, पहेँलो सदन द्वितीय हुन सफल भए भने कक्षा ६ र ७ मा हरियो सदन प्रथम, पहेँलो सदन द्वितीय हुन सफल भएका थिए ।

कक्षा ५ मा रातो सदन प्रथम, पहेँलो सदन द्वितीय, कक्षा ४ मा पहेँलो सदन प्रथम, रातो सदन द्वितीय स्थान हासिल गर्न सफल भएका थिए । उक्त प्रतियोगितामा प्रथम र द्वितीय स्थान हाँसिल गर्न सफल विद्यार्थीलाई पुरस्कृत गरिएको शिक्षक विष्णुप्रसाद सुवेदीले बताए ।