पोखरा ।
नेकपा एमालेनिकट प्रगतिशील तथा पेशागत कानून व्यवसायी संगठन (पीपीएलए)को केन्द्रीय सदस्यमा पोखराकी अधिवक्ता कुन्जनी परियार प्यासी निर्विरोध भएकी छन् । कुन्जनी सामाजिक न्याय, दलित र महिला अधिकारका लडाइँमा अगुवाइ गर्दै आएकी छिन् । पोखरामा दलित वडासदस्यप्रति भएको विभेद र रुकुमपश्चिमको चौरजहारी नगरपालिका–८ सोती गाउँमा भएको अकल्पनीय हत्याकाण्डप्रति उनले कानुनी लडाइँ लडेकी थिइन् ।

संगठनको नयाँ नेतृत्वको लागि अध्यक्ष पदमा थपलिया र थापाबीच प्रतिस्पर्धा हुने भएको छ । उपाध्यक्षमा वरिष्ठ अधिवक्ता भीमसेन बन्जाराको एकल उम्मेदवारी परेको छ भने महिला उपाध्यक्षमा हिमादेवी बस्नेत र यसोदा खरेलबीच प्रतिस्पर्धा हुनेछ ।

प्रदेशगतरुपमा निर्वाचित हुने केन्द्रीय सदस्यमा कोशीबाट सुमित्र कोइराला, हरिबहादुर बराल र खगेन्द्र बास्कोटा निर्विरोध भएका छन् । मधेशबाट दिपक कुमार केसी, रविकेशर ठाकुर र पार्वती राउत निर्विरोध भएका छन् ।

लुम्बिनीबाट हिरा कुँवर, ठाकुरप्रसाद वली र पदम पाण्डे निर्विरोध भएका छन् । सुदुर पश्चिमबाट आरती खड्का,भोजराज पाठक र प्रेमवहादुर शाही निर्विरोध भएका छन् । विशेषबाट हरि प्रसाद पंगेनी, भक्तपुरबाट सानु सुवाल र ललितपुरबाट सुशील पोखरेल पनि निर्विरोध भएका छन् ।