पोखरा ।

हाइकर्स क्लब नेपालले हरेक महिनाको अन्तिम शनिबार हाइकिङ (एक दिने पदयात्रा) कार्यक्रम सञ्चालन गर्दै आएको छ ।
गत जेठको अन्तिम शनिबार क्लबको हाइकिङ भाग ५९ मा पोखरा महानगरपालिका वडा नं. २३, मकानपुर गाउँमा थएकाे थियाे ।

घाँटीछिना देखि पैदल २ घण्टामा पुग्न सकिने सो हाइकिङमा ४५ जना सहभागि भएका थिए । फर्किदा वराङमा रहेको मनोक्रान्ती आश्रमको अवलोकन पनि गरेको थियो ।

स्वास्थ्य र पर्यटनको लागि हाइकिङ भन्ने मुल नाराका साथ हुने हाइकिङमा ८/९ वर्षका हिड्न सक्नेदेखि ७६ वर्षसम्मका सहभागि हुन रुचाउँछन् । सहभागिले आफ्नो खर्च आफैले व्यहोर्नु पर्ने हुन्छ भने साना बालबालिकाहरुलाई अवस्था हेरी निशुल्क गरिँदै आएको हाइकिङ संयोजक तथा क्लबकी कोषाध्यक्ष टिका आचार्य सुवेदीले बताइन् ।

विद्यार्थी, व्यापारी, गृहणी सबै जना महिनामा एक दिन भएपनि हाइकिङ जानुपर्छ भन्ने भावनाले क्लबकाे स्थापना भएकाे क्लबका अध्यक्ष कृष्ण रानाभाटले बताए ।

हाइकिङमा अहिलेसम्म हजारौं सहभागी भइ सकेका छन् भने स्याङ्जा, तनहुँ र कास्कीका विभिन्न ठाउँमा गई त्यहाँको पर्यटकीय स्थलहरुको प्रचारप्रसारमा टेवा पुर्‍याउँदै आएको छ । यस कार्यक्रमले पोखरा भ्रमण वर्ष २०२५ लाई सहयोग गर्नुका साथै पर्यटनको राजधानी पोखरालाई प्रचारप्रसार गरिरहेकाे रानाभाटकाे भनाइ छ ।