मुस्ताङ ।

मुस्ताङका समाधानकर्मी सुन्दरकुमार थकाली सम्मानित भएका छन् । मुस्ताङको कठिन भूगोलमा पत्रकारिता क्षेत्रमा क्रियाशील रहेका थकालीलाई यहाँको वारागुङ मुक्तिक्षेत्र गाउँपालिकाले आइतबार नगदसहित सम्मान गरेको हो ।

२२ औं गाउँसभामा वारागुङ मुक्तिक्षेत्र गाउँपालिका अध्यक्ष रिन्जिङ नाम्गेल गुरुङ, उपाध्यक्ष डिकी गुरुङ, प्रमुख प्रशासकीय अधिकृत युवराज अधिकारी र नेपाल पत्रकार महासंघ मुस्ताङ शाखा अध्यक्ष सुनदेवी रसाइलीले सम्मान गरेका हुन् । मुस्ताङको आर्थिक विकास, सुशासन, समृद्धि र जिल्लाको धार्मिक, सांस्कृतिक, सामाजिक, जैविक विविधता लगायतमा क्षेत्रमा कलम चलाउने थकाली १२ वर्षदेखि पत्रकारितामा छन् ।

पोखराको आदर्श समाज दैनिकबाट पत्रकारिता सुरु गरेका उनी हाल समाधान दैनिकसहित राष्ट्रिय समाचार समिति र अन्नपूर्ण पोस्ट दैनिकमा आवद्ध छन् ।