पोखरा । पोखरा १७ तल्लो बिरौटा स्थित फिस्टेल एकेडेमी आइबी वल्र्ड स्कुलले एसइई २०८१ मा सहभागी भएका विद्यार्थीबिच विभिन्न खेलकुद तथा सिर्जनात्मक प्रतियोगिता गरेको छ । असार १० गतेबाट सुरु भएको सेभेन ए साइड छात्र फुटबल प्रतियोगितामा वेलनन समूहले पोखरा टप्स समूहलाई ७–२ गोलले पराजित गर्दै च्याम्पियन बन्यो ।

विजेताले ट्रफी, मेडल र प्रमाणपत्रसहित २० हजार हात पार्दा उपविजेता पोखरा टप्सले ट्रफी, मेडल र प्रमाणपत्रसहित १० हजार हात पा¥यो । यस प्रतियोगितामा देशभरका विभिन्न जिल्लाबाट ३६ टिम सहभागी भएका थिए । ३३ छात्र बास्केटबलतर्फ फिस्टेल समूहले बेनपा समूहलाई १६–१० स्कोरमा पाखा लगाई विजेता बन्यो भने बेनपा समूह उपविजेता बन्यो ।
३३ छात्रा बास्केटबलमा फिस्टेल समूहले अमिची समूहलाई ६–४ स्कोरका साथ पराजित गरी विजेता भयो भने अमिची समूह उपविजेता बन्न पुग्यो । यी दुवै खेलका विजेताले ट्रफी, मेडल र प्रमाणपत्रका साथ १० हजार नगद हात पारे भने उपविजेताले ट्रफी, मेडल र प्रमाणपत्रका साथ ५ हजार पाए ।

वेब डिजाइन प्रतियोगितामा रियोग पनेरु, सुदीप लामिछाने र सक्षम पहारीले क्रमशः प्रथम, द्वितीय र तृतीय बने । विज्ञान तथा गणित ओलम्पियाडतर्फ विष्णुप्रसाद पहारी र सम्राट पौडेलको समूह प्रथम बन्दा विराज सुवेदी, रिजन पोडेल र विकल न्यौपानेको समूह द्वितीय बन्यो । सफल शर्मा, रवि गौतम र अनुपम पराजुलीको समूह तृतीय बन्यो ।

डिजाइन थिङ्किङ च्यालेन्जमा सक्षम पहारी, संघर्ष कार्की, सुदीप लामिछाने, समीप थापा र सुमन ढुंगानाको समूह प्रथम बन्दा स्वरूप तिवारी, दर्शन तिवारी, आगमन बराल, दर्शन अधिकारी र आरभ बरालको समूह द्वितीय भन्यो भने एन्जिला थापा, सम्पदा कार्की, अदिती पौडेल, सुयाना गौतम र स्वीकृति श्रेष्ठको समूहले तृतीय स्थान प्राप्त ग¥यो । सिर्जनात्मक प्रतियोगिता अन्तर्गतका सबै विजेताले पुरस्कारका साथमा विभिन्न प्रकारका छात्रवृत्तिसमेत प्राप्त गरे ।

गण्डकी प्रदेशमै पहिलो वल्र्ड स्कुल फिस्टेल एकेडेमीले विद्यार्थीमा अन्तर्निहित प्रतिभा प्रस्फुटन गराउन तथा खेलप्रति विद्यार्थीको आकर्षण बढाउन यस प्रकारको कार्यक्रम आयोजना गरेको विद्यालयका संस्थापक अध्यक्ष चिनु रानाभाटले बताए । उनले अबका विद्यार्थीमा शैक्षिक विकासका साथसाथै सर्वाङ्गीण विकास हुनुपर्नेमा जोड दिए ।