पोखरा ।
योग विज्ञानकी प्रशिक्षक विना केसी खवासको निधन भएको छ । पोखरा १६ बाटुलेचौर निवासी विनाको ५९ वर्षको उमेरमा शनिबार बेलुका आफ्नै निवासमा निधन भएको पारिवारिक स्रोतले जनाएको छ ।

लामो समयदेखि अस्वस्थ रहेकी उनको आइतबार धार्मिक परम्परा अनुसार लामाचौरस्थित सती नर्वदा घाटमा अन्त्येष्टि गरिएको हो । यसअघि उनको निवासबाट सुरु भएको शवयात्रा नर्वदा घाटमा पुगेर शोक सभामा परिणत भएको थियो । विनाप्रति स्थानीयले अन्तिम श्रद्धाञ्जली दिएका थिए ।

हिमालय योग साधना केन्द्रकी योग प्रशिक्षक रहेकी उनको निधनले त्यस क्षेत्रको सामाजिक तथा योग साधनाको क्षेत्रमा अपुरणीय क्षति पुगेको स्थानीयले बताएका छन् । विनाका श्रीमान र २ छोरी छन् ।