पाेखरा ।

पोखरा महानगरपालिका वडा नं २७ शिशुवा स्थित लक्ष्मी आर्दश माविमा खानेपानी ट्यांकी उद्घाटन गरिएकाे छ ।

लायन्स क्लब पोखरा अन्नपूर्णको आयोजना इन्टरनेशनल विद्यालय लाउसाने स्विजरल्याण्डको २ लाख आर्थिक सहयोगमा ट्यांकी निर्माण गरिएकाे हाे ।

क्लबका इन्टरनेशनल डिष्ट्रिक ३२५ नेपालका मल्टिपल काउन्सिल चियरपर्सन मिलन थापाले उद्घाटन गरी मंगलबार विद्यालयलाई हस्तातरण गरे ।

खानेपानी परियोजनाका निर्देशक सोनाम साङपोले ४९ वटा विद्यालयमा खानेपानी ट्यांकी निर्माण भइसकेको र जुलाई र अगष्ट महिनामा ८ वटा विद्यालयमा खानेपानी ट्यांकी निर्माणको लागि स्विकृति प्राप्त भई सकेको जानाकारी दिए ।

पोखरा महानगरपालिका वडा नं. २७ का वडा अध्यक्ष पूर्णकुमार, विद्यालय व्यवस्थापन समितिका अध्यक्ष चतुरखर अधिकारीले विदेशी विद्यार्थीले खाजाको रकम कटाएर सहयोग जुटाएर क्लबले ट्यांकी निर्माण गरिदिएकाेमा धन्यबाद दिए ।

विद्यालयका प्रधानाध्यापक शिवमणि भण्डारीले विद्यार्थी खानेपानी समस्या बाट मुक्त भएको बताए । कार्यक्रममा रिजन चियरपर्सन दिनेश तुलाचन जोन चियर पर्सन तिर्थ श्रेष्ठ, प्रथम उपाध्यक्ष दुर्गा जोजिजु, पूर्व अध्यक्ष सुरेश बहादुर, अध्यक्ष सुकल्याण पराजुली लगायतले बाेलेका थिए ।