पोखरा ।

लुम्बिनी विकास बैंक लिमिटेडले आफ्नो संस्थागत सामाजिक उत्तरदायित्व अन्तर्गत कास्की जिल्ला, पोखरा महानगरपालिका वडा नं. १५, फलेपाटनमा अवस्थित सिद्ध माध्यमिक विद्यालयलाई ३ थान स्टिलको पानी ट्यांकी हस्तान्तरण गरेको छ । कार्यक्रममा बैंकका सञ्चालक रामचन्द्र सिग्देल, पूर्व अध्यक्ष सुशीलराज पराजुली, उक्त विद्यालयका अध्यक्ष, प्रधानाध्यापक, अन्य शिक्षकहरू तथा पोखरास्थित बैंकका शाखा प्रबन्धकहरूको सहभागिता थियो ।

लुम्बिनी विकास बैंकले देशभरि रहेका ८९ वटा शाखा कार्यालयहरू, एक विस्तारित शाखा (एक्सटेन्सन काउन्टर) र २० एटीएम टर्मिनलमार्फत ५ लाखभन्दा बढी ग्राहकहरूलाई ‘निरन्तर सहयात्रा’ भन्ने नाराका साथ उच्चस्तरीय, आधुनिक एवं नवीनतम प्रविधिहरूसहितको सुरक्षित बैंकिङ सेवा प्रदान गर्दै आइरहेको छ ।