पोखरा ।  नेपाली साहित्यको सबैभन्दा प्रतिष्ठित पुरस्कार ‘मदन पुरस्कार–२०८१’ का लागि सात कृति छनोट भएका छन्। मदन पुरस्कार गुठीले मंगलबार विज्ञप्ति जारी गर्दै पुरस्कारका लागि प्राप्त २ सय ९९ पुस्तकहरूबाट उत्कृष्ट सातको संक्षिप्त सूची सार्वजनिक गरेको हो।

गुठीका अध्यक्ष कुन्द दीक्षितद्वारा जारी विज्ञप्तिअनुसार, छनोटमा परेका कृतिहरूमा कथा, कविता, यात्रा संस्मरणदेखि गैरआख्यानसम्मका पुस्तकहरू समेटिएका छन्। यी ७ मध्ये एक कृतिलाई यस वर्षको मदन पुरस्कार प्रदान गरिनेछ।

छनोटमा परेका पुस्तकहरू (अकारादि क्रममा):

• उरमाल – छुदेन काविमो
• छालबाटो : कैलाशदेखि गङ्गासम्म – रमेश भुसाल
• दर्ज्यु संलाप – कुमारी लामा
• पञ्चतत्त्वको पालाम – मनप्रसाद सुब्बा
• बहुरुपी – श्रेयज सुवेदी
• भिक्षु, व्यापार र विद्रोह – सुधीर शर्मा
• हिउँको गीत – तीर्थ गुरुङ