पोखरा ।

लिटिल स्टेप माध्यमिक विद्यालय, सिमलचौर, पोमनपा–८ को तर्फबाट कक्षा ११ का नवआगन्तुक विद्यार्थीहरूलाई स्वागत तथा अभिमुखीकरण कार्यक्रम सम्पन्न भएको छ । कार्यक्रममा प्रमुख जिल्ला अधिकारी रुद्रादेवी शर्माले विद्यार्थीहरूले जोश र होसलाई समायोजन गर्दै समयसापेक्ष हुनुपर्ने कुरामा जोड दिइन् । यसै गरी विद्यालय बोर्ड सदस्य डा.भीमनाथ बराल, स्नातक तह संयोजक ईश्वर सुवेदी र अभिभावक लीला थापामगरले शुभकामना व्यक्त गरेका थिए ।

उक्त कार्यक्रममा प्रमुख अतिथि लगायत विद्यालयकी पूर्वविद्यार्थी डा.अस्मि बरालले एमडीएस इन अर्थोडन्टिक्सका साथै कक्षा १२ की छात्रा आकृति सिके र कक्षा ११ की छात्रा प्रिन्सु गुरुङले भारतको केरला राज्यमा सञ्चालित ॅइन्टरनेसनल पेजेन्ट २०२५’ मा क्रमशः ॅमिस ग्लाम वर्ल्ड मिस ट्यालेन्ट अवार्ड’ र ॅमिस टिन ग्लाम वर्ल्ड सेकेन्ड रनरअप’ उपाधि प्राप्त गरेकोमा विद्यालयले सम्मान गरेको थियो । पञ्चकोसी आर्थर डाँडाखर्क समाज र प्रगति आमा समूहको पनि विशेष उपस्थिति रहेको उक्त कार्यक्रममा छात्र–छात्राबाट सांस्कृतिक कार्यक्रम प्रस्तुत भएको थियो ।

प्राचार्य पम्फा गुरुङको शुभकामना मन्तव्यसँगै सुरु भएको कार्यक्रमको सभापतित्व संस्थापक अध्यक्ष शेरबहादुर गुरुङले गरेका थिए भने कार्यक्रम सञ्चालन विद्यालयका संयोजक विनोद गिरीले गरेका थिए ।