पोखरा ।

वरिष्ठ पत्रकार बद्रीविनोद प्रतीकलाई मातृशोक परेको छ । उनकी आमा विष्णुमाया खनालको ९० वर्षको उमेरमा शुक्रबार बिहान निधन भएको हो । स्वर्गीय खनालका ५ छोरा र २ छोरी छन् । नेपाल पत्रकार महासंघ कास्कीका पूर्व अध्यक्षसमेत रहेका प्रेस स्वतन्त्रता सेनानी बद्रीविनोद जेठा हुन् । माहिला रामजी, साहिँला सुरेन्द्र, काहिँला केदार र कान्छा प्रेमविनोद खनाल हुन् । तुलसी पराजुली र सरिता बास्तोला २ छोरी छन् ।

३ साताअघि सामान्य बिरामी परेकी विष्णुमाया पोखरा स्वास्थ्य विज्ञान प्रतिष्ठानमा उपचारपछि घरमा आराम गरिरहेकी थिइन् ।
खनाल परिवारको मूल घर कास्कीको रुपा हो । स्व. विष्णुमायाको शुक्रबार सेतीनदीमा अन्त्येष्टि गरिएको छ ।