पोखरा ।

पोखरा महानगरपालिका वडा नं ११ स्थित काहुँ डाँडा धरहरा परिसरमा साेमबार ५५ वटा लालीगुराँसका विरुवा राेपिएकाे छ । धारापानी सामुदायिक वन उपभोक्ता समितिकाे आयाेजना र हट फर अर्थ फाउन्डेसन, लायन्स क्लब अफ मर्दी हिमाल, वैदेशिक रोजगार शाखा संरक्षण संघ कास्कीको सहयोगमा राेपिएकाे हाे ।

अभियन्ता ढाकाराम लामिछानेको लागि गुराँस फुलाउ पर्यटक बोलाउ हाम्रो अभियान आगन्तुकको प्रोत्साहन भन्ने नाराका साथ वृक्षाराेपण गरिएकाे हाे ।

कार्यक्रममा वैदेशिक रोजगार शाखा संरक्षण संघ गण्डकीका अध्यक्ष सुजन श्रेष्ठ, वडा नम्बर ११ का जनप्रतिनिधि विष्णुप्रसाद घिमिरे, सामुदायिक वनका अध्यक्ष कुमार क्षेत्री, हटफर अर्थका अध्यक्ष पवन पाठक, लायन्स क्लब अफ मर्दी हिमालका अध्यक्ष रमेशकुमार गुप्ता लगायतकाे सहभागिता थियाे ।