लिटिल स्टेप माविमा बधाई कार्यक्रम

पोखरा ।
पोखरा–८, सिमलचौरस्थित लिटिल स्टेप माध्यमिक विद्यालयले २०८१ सालको कक्षा १२ को बोर्ड परीक्षामा विद्यालयबाट सम्मिलित भई समुत्तीर्ण विद्यार्थीहरुलाई बधाई ज्ञापन गरेको छ ।
कार्यक्रममा विद्यालयका संस्थापक निर्देशक शेरबहादुर गुरुङले विद्यालयले आफ्नो ४३ वर्षको शैक्षिक यात्रामा धेरै उकालीओराली सामना गरेको र आफूले सदैव अभिभावक र शिक्षाविद्बाट साथ र समर्थन प्राप्त गरेको भन्दै सफल विद्यार्थी तथा अभिभावकलाई बधाई दिए ।
कार्यक्रममा संस्थापक प्राचार्य पम्फा गुरुङले विद्यार्थी र अभिभावकको दशक लामो शैक्षिक यात्राको एक चरण सम्पन्न भएकोमा बधाई दिँदै उच्च शिक्षाको आगामी यात्रामा सफलताको शुभकामना व्यक्त गरिन् । त्यसैगरी कार्यक्रमका प्रमुख वक्ता डा. भीमनाथ बरालले कक्षा १२ पछिको अध्ययनको क्षेत्र छनोट गर्ने काम निकै चुनौतीपूर्ण हुने हुँदा उच्च शिक्षाका लागि विषय र शैक्षिक संस्थाको छनोटमा विशेष ध्यान दिनुपर्ने बताए ।
उनले प्रतिस्पर्धात्मक विश्व बजारमा प्रतिस्पर्धी बनाइराख्न निरन्तर साधना र संस्थामा प्राध्यापनरत सदस्यहरुको छनोटमा विचार पु¥याउन पर्ने बताउँदै समुत्तीर्ण विद्यार्थी एवम् अभिभावकलाई बधाई दिए । यसैगरी पोखरा लिंकन इन्टरनेसनल कलेजका संयोजक ईश्वर सुवेदीले कलेजमा सञ्चालित बिबिए, बिएचएम, बिसिएस आइटी तथा एमबिए कार्यक्रमका बारेमा प्रकाश पारे ।
विद्यार्थीको तर्फबाट प्रथम विद्यार्थी सविना क्षेत्रीले विद्यालय, शिक्षक तथा अभिभावकप्रति आभार व्यक्त गरिन् । कार्यक्रममा प्लस टु उत्तीर्ण विद्यार्थी तथा अभिभावकलाई खादा तथा अबिरद्वारा सम्मान गरिएको थियो ।
कार्यक्रमको सञ्चालन विद्यालयका संयोजक विनोद गिरीले गरेका थिए । विद्यालयका संस्थापक निर्देशक शेरबहादुर गुरुङको अध्यक्षतामा सम्पन्न उक्त कार्यक्रममा नेपाली सेनाका पूर्व कर्णेल उदिमबहादुर गुरुङ प्रमुख अतिथि थिए ।







औषधीको जेनेरिक नाम उल्लेख गर्न नागरिक अभियानको माग
स्याङ्जाको सिडिओ कार्यालयले जग्गा प्रयोग गरेबापत श्रेष्ठलाई १ करोड रुपैयाँ क्षतिपूर्ति
कालिका बहुमुखी क्याम्पसका गौतमलाई उत्कृष्ट क्याम्पस प्रमुखको सम्मान
लेखा दिवस मनाइयो
चियासँगै पाकिरहेको मञ्जुको सपना
गण्डकीको सवारी करमा विशेष छुटकार्तिक मसान्तभित्र तिरे जरिवाना माफ
मन लोभ्याउने पुनहिल
पोखरामा रातिसँगै बसेर रक्सी खाए, तेस्रो भेटमै हत्या गरे
तपाईको प्रतिक्रिया