पोखरा ।
लायन्स इन्टरनेसनल डिस्ट्रिक्ट ३२५ आई नेपाल अन्तर्गतको लायन्स क्लब अफ पोखरा तालबाराहीले आर्थिक अभावका कारण मृगौला प्रत्यारोपण गर्नबाट वञ्चित बनेका एक जनालाई सहयोग गरेको छ । पोखरा महानगरपालिका वडा नम्बर २१, फोक्सिङ निवासी ३३ वर्षीय गोविन्दप्रसाद अधिकारीलाई क्लबले आर्थिक सहयोग गरेको हो ।

६ वर्षदेखि उपचाररत उनलाई क्लवका पदाधिकारीले निवासमा पुगेर ३१ हजार ५ सय रुपैयाँ सहयोग प्रदान गरे । पोखरा महानगरपालिका वडा नम्बर २१ का वडाध्यक्ष दीपकप्रसाद सुवेदीको रोहबरमा सहयोग हस्तान्तरण गरिएको हो । वडाध्यक्ष सुवेदीले लायन्सको सहयोगप्रति कृतज्ञता जाहेर गरे ।

क्लवका अध्यक्ष लेखनाथ पहारीले उपचाररत गोविन्दप्रसाद अधिकारीको पूर्ण स्वास्थ्य लाभको कामना गरे ।