पोखरा ।
क्षेत्री समाज नेपाल पोखरा ५ ले आइतबार तीजको अवसरमा भेटघाट तथा शुभकामना आदानप्रदान कार्यक्रम गरेको छ ।

समाजका अध्यक्ष प्रेमबहादुर खत्रीको अध्यक्षतामा कार्यक्रममा वडा नम्बर ५ का निवर्तमान अध्यक्ष केशवबहादुर बराल, पोखरा वल्र्ड स्कुलका प्रधानाध्यापक मिलक केसी, कालिका थापा लगायले बोलेका थिए । कार्यक्रम सञ्चालन लोककुमारी क्षेत्रीले गरेकी थिइन् ।

बरालले परम्परा जोगाउनुपर्ने बताउँदै मौलिक संस्कृति र पहिचानलाई जोगाउन सबैले ध्यान दिनुपर्ने बताए । उनले मौलिक पोसाकको महत्वका बारेमा उल्लेख गर्दै मौलिक पोसाकले धनी गरिब भनेर नछुट्याउने सबैलाई समान देखाउने र एउटै पहिचानमा बाध्ने बताए ।

‘तीज परिवार, समाज र संस्कतिलाई जोड्ने पर्व हो । तीजलाई मौलिक तरिकाले मनाउनुपर्छ । यसको धार्मिक र सांस्कृतिक महत्व बुझ्नुपर्छ,’ उनले भने ।