पोखरा– राष्ट्रिय प्रजातन्त्र पार्टी (राप्रपा) कास्कीका अध्यक्ष नारायण गुरुङकी आमा बालकुमारी गुरुङको निधन भएको छ । पोखरास्थित मियाँपाटनमा रहेको आफ्नै निवासमा सोमबार उनको ८९ वर्षको उमेरमा देहावसान भएको हो ।

पारिवारिक स्रोतका अनुसार स्व. गुरुङको अन्तिम संस्कार मंगलबार बिहान ११ बजे पोखराको रामघाटमा गरिनेछ । त्यसअघि श्रद्धाञ्जलीका लागि उनको पार्थिव शरीर मियाँपाटनस्थित निवासमै राखिएको छ ।

स्व. गुरुङलाई अन्तिम श्रद्धाञ्जली अर्पण गर्न उनको निवासमा आफन्तजन, शुभचिन्तक तथा विभिन्न राजनीतिक दलका नेता-कार्यकर्ताहरु पुग्ने क्रम जारी छ ।

दिवंगत बालकुमारीका दुई छोरामध्ये नारायण जेठा सन्तान हुन् ।