काठमाडौं ।

नेपाल राष्ट्र बैंकले १ हजार दरका नयाँ नोट छाप्न प्रक्रिया थालेको छ । यसका लागि केन्द्रीय बैंकले सोमबार एक सूचना जारी गर्दै इच्छुक कम्पनीहरूलाई अन्तर्राष्ट्रिय बोलपत्रमा सहभागी हुन आह्वान गरेको हो ।

बैंकले जारी गरेको सूचनाअनुसार इच्छुक कम्पनीले आउँदो अक्टोबर ९ तारिखसम्ममा थापाथलीस्थित बैंकिङ विभागमा आफ्नो प्रस्ताव पेस गर्नुपर्नेछ ।

बोलपत्रमा सहभागी हुन योग्य कम्पनीले प्रस्ताव पेस गर्दा २० हजार रुपैयाँ, १४४ अमेरिकी डलर, १२३ युरो वा १०७ पाउन्ड धरौटी राख्नुपर्ने व्यवस्था गरिएको छ ।

बोलपत्रको सूचनाअनुसार छनोट हुने कम्पनीले नोटको डिजाइन, छपाइ र आपूर्तिसम्मको सम्पूर्ण जिम्मेवारी लिनुपर्नेछ ।