पोखरा ।
सामसङले दसैंलाई लक्ष्य गर्दै ‘दिन दिनै दसैं’ योजना सार्वजनिक गरेको छ । यो अफर सेप्टेम्बर १ देखि सेप्टेम्बर २८, २०२५ सम्म लागू हुनेछ । यस अवधिमा सामसङका नयाँ स्मार्टफोन वा ट्याब्लेट खरिद गर्ने ग्राहकले हरेक दिन आकर्षक उपहार जित्ने अवसर पाउनेछन् ।

यस योजनाअन्तर्गत हरेक दिन एक भाग्यशाली विजेताले १ लाख रुपैयाँ बराबरको भाटभटेनी सपिङ भाउचर पाउनेछन् । अन्य १० जना विजेतालाई १० हजार रुपैयाँ बराबरको सपिङ भाउचर प्रदान गरिनेछ । यसरी अफर अवधिभर दैनिक ११ जना ग्राहकले उपहार जित्नेछन् । यी भाउचरहरू दैनिक उपभोग्य वस्तुदेखि चाडपर्वका लागि आवश्यक सामान खरिद गर्न प्रयोग गर्न सकिने कम्पनीले जनाएको छ ।

योजनामा सहभागी हुन ग्राहकले आफ्नो नयाँ सामसङ स्मार्टफोन वा ट्याब्लेटको सिरियल नम्बर टाइप गरी ‘सामसङ स्पेस सिरियल नम्बर’ लेखेर ३५००१ मा एसएमएस पठाउनुपर्नेछ । ग्राहकले ‘८३०६३’ डायल गरेर आफ्नो सिरियल नम्बर सजिलै पत्ता लगाउन सक्नेछन् । एसएमएस पठाएपछि तत्कालै दर्ता भएको सन्देश प्राप्त हुनेछ ।

एमएक्स सामसङ नेपालका निर्देशक प्रणयरत्न स्थापितले ‘दिन दिनै दसैं’ अफरमार्फत सामसङले आफ्ना ग्राहकलाई हरेक चाडपर्वमा अमूल्य अनुभव दिने प्रतिबद्धतालाई निरन्तरता दिएको बताए । उनले यो अफरले दसैंको महत्वलाई आत्मसात् गर्नुका साथै सामसङ प्रयोगकर्ताको जीवनलाई थप समृद्ध बनाउन योगदान पु¥याउने विश्वास व्यक्त गरे ।

विजेताको सिरियल नम्बरको घोषणा सामसङ नेपालको आधिकारिक फेसबुक पेज र आईएमएस नेपालको फेसबुक पेजमा गरिनेछ । यो अफर सामसङका आधिकारिक बिक्रेता र इकमर्स प्लेटफर्ममार्फत नेपालभर उपलब्ध रहेको कम्पनीले जानकारी दिएको छ ।