स्याङ्जा । इस्लाम धर्मका अन्तिम पैगम्बर हजरत मोहम्मद मुस्तफा सल्लल्लाहु अलैहि वसल्लमको १५०० औँ जन्मोत्सवको अवसरमा स्याङ्जाका तीन पालिकाले शुक्रबार सार्वजनिक बिदा दिएको छ ।

वालिङ नगरपालिका, भीरकोट नगरपालिका र पुतलीबजार नगरपालिकाले मुस्लिम समुदायको माग अनुसार सार्वजनिक बिदा दिएको जनाएका छन् ।

वालिङ नगरपालिकाका प्रमुख कृष्ण खाँणले जानकारी दिए अनुसार जन्मोत्सवको अवसरमा पालिकाभित्रका सबै सरकारी कार्यालय, स्वास्थ्य संस्था, शैक्षिक संस्था तथा सार्वजनिक संस्थामा सार्वजनिक बिदा दिइएको छ ।