पोखरा ।

गण्डकी प्रदेशस्थित मुख्यमन्त्री कार्यालयमा जेन जी आन्दोलनकारीले आज आगजनीको प्रयास गरेका छन् । यस क्रममा प्रहरी र प्रदर्शनकारीबीच भएको मुठभेडले स्थिति तनावपूर्ण बनेको छ ।

आगजनीको प्रयासपछि प्रहरीले बल प्रयोग गरी आन्दोलनकारीलाई नियन्त्रणमा लिने प्रयास गरेको छ । प्रदर्शनकारी तितरबितर पार्न प्रहरीले अश्रुग्यास र पानीका फोहरा प्रहार गरेको थियो ।

आक्रमणकारीको प्रहारले मुख्यमन्त्री कार्यालय भवनका झ्यालका सिसा फुटेका छन् ।

गण्डकी प्रदेशको मुख्यमन्त्री कार्यालय प्रदेश प्रहरी कार्यालयको सामन्ने नै छ ।