काठमाडौ । राष्ट्रपति रामचन्द्र पौडेलले सोमबार मुलुकभर जेनजी पुस्ताले आयोजना गरेको प्रदर्शनका क्रममा भएको हताहतप्रति गहिरो दुःख व्यक्त गरेका छन् । उनले घटनाले आफूलाई मर्माहत बनाएको बताउँदै वर्तमान परिस्थितिप्रति गम्भीर चिन्ता प्रकट गरेका छन् ।

राष्ट्रपतिले निधन भएका नागरिकका परिवारप्रति समवेदना प्रकट गर्दै घाइतेहरूको शीघ्र उपचार सुनिश्चित गर्न सरकारलाई आग्रह गरेका छन् । उनले शान्ति र संयमका साथ समस्याको समाधान खोज्न सबै पक्षलाई आह्वान गरेका छन् ।