काठमाडौं । जेन–जी आन्दोलन चर्किएपछि त्रिभुवन अन्तर्राष्ट्रिय विमानस्थलका कर्मचारीलाई भीभीआइपी सवारी व्यवस्थापनका लागि हाइ अलर्टमा बस्न निर्देशन दिइएको छ ।

सोमबार भएको आन्दोलनमा सरकारी दमनका कारण १९ जनाको ज्यान गएपछि मङ्गलबार राजधानीसहित देशभर विरोध प्रदर्शन तीव्र बनेको छ । आन्दोलनकारीले नेताहरूको निजी निवास र पार्टी कार्यालयलाई निशाना बनाउन थालेपछि विमानस्थल प्रशासनले विशेष सतर्कता अपनाउन लगाइएको विमानस्थलका एक अधिकृतले बताए ।

उनका अनुसार नेताहरूले काठमाडौं असुरक्षित ठान्दै तत्काल बाहिरिने सम्भावना देखिएकाले विमानस्थलमा भीभीआइपी सवारी बढ्न सक्ने आकस्मिक स्थितिलाई ध्यानमा राखेर कर्मचारीलाई तयारी अवस्थामा रहन भनिएको हो ।