पोखरा।

कास्की जिल्लामा रहेका सम्पूर्ण प्रहरी कार्यालयहरू मर्मत तथा पुनर्निर्माणमा स्थानीय समुदाय र व्यापारीहरू जुटेका छन् ।

जिल्ला प्रहरी कार्यालय कास्कीका अनुसार व्यापारी तथा स्थानीय समुदायले पोखराका सम्पूर्ण प्रहरी भवन आफूहरूले बनाइदिने भन्दै निर्माण सुरु गरेका हुन् ।

उनीहरूले प्रहरी कार्यालयलाई चाहिने लत्ता कपडा, फर्निचरका सरसामान, रंग रोगन तथा भौतिक निर्माणसम्मको कामको जिम्मा लिएर उनीहरूले काम सुरु गरेका हुन् ।

२३ भदौमा जेन जेडले गरेको प्रदर्शनका क्रममा पोखराका अधिकांश प्रहरी कार्यालयमा तोडफोड र आगजनी भएको थियो । जसकारण अहिले प्रहरीले नियमित काम समेत गर्न सकेको थिएन ।