पोखरा ।

जेनजी आन्दोलनले थप्प भएकाे पाेखरा महानगरपालिकाकाे सेवा असोज १ गतेदेखि सुचारु गरिने भएकाे छ । आन्दोलनबाट क्षति पुगेका संरचनामा पुगेको क्षतिको लगत संकलन गर्ने र क्षति नपुगेका संरचनाहरुबाट सेवा दिन थाल्ने महानगरले निर्णय गरेको छ ।

५२ औं कार्यपालिका बैठकले आन्दोलनका क्रममा ध्वस्त भएका संरचनाहरुमा भएको क्षतिको एकीन विवरण संकलन गर्ने र उचित ठाउँको व्यवस्थापन गरी सेवा दिने निर्णय गरेको हो ।

मेयर धनराज आचार्य भने युएईमा छन् । कास्की समाजले आयोजना गरेको कार्यक्रममा सहभागी हुन उनी युएई पुगेका हुन् ।