पोखरा ।
मालपोत कार्यालय कास्कीको सेवा कहिले सुचारु हुने हो भन्ने अझै अनिश्चित बनेको छ।

कार्यालयले सूचना जारी गर्दै २४ भदौमा आन्दोलनका क्रममा भएको तोडफोड र आगजनीका कारण मोटर, कम्प्युटर, रोखा, फोटोकपी मेसिनसहितका उपकरणमा क्षति पुगेकाले सम्पूर्ण सेवा रोकिएको जनाएको छ।

सूचनामा भनिएको छ, आवश्यक मर्मत र तयारी सम्पन्न नभएसम्म सेवा पुनः सञ्चालन गर्न नसकिने भएकाले अर्को सूचना नआएसम्म सेवाग्राहीले सेवा पाउने छैनन्।

कार्यालय प्रमुख शोभाकर पोखरेलले सेवाग्राहीलाई पर्न गएको असुविधाप्रति क्षमा माग्दै समस्या समाधान भएपछि मात्रै सेवा सुचारु हुने स्पष्ट पारेका छन्।