पोखरा ।

जेन–जी पुस्ताले गरेको आन्दोलनका क्रममा भदौ २४ गते दिउँसो करिब साढे १ बजे पोखरा इभेन्ट सेन्टरमा भएको आगजनी, तोडफोड र लुटपाटका घटनाप्रति सञ्चालक समूहले गम्भीर ध्यानाकर्षण जनाएको छ । प्रेस विज्ञप्तिमार्फत इभेन्ट सेन्टरले करोडौं रुपैयाँ बराबरको भौतिक र आर्थिक क्षति पु¥याएको भन्दै उनीहरूले ‘यो केबल भौतिक सम्पत्ति नभई पोखराको साझा सम्पदा’ भएको बताएका छन् ।

सञ्चालकहरुले राजनीतिक व्यक्तिगत स्वार्थप्रेरित आपराधिक गिरोहको घुसपैठका कारण इभेन्ट सेन्टर ध्वस्त भएको उल्लेख गरेका छन् । ‘हामीमध्य धेरै साथीहरू विदेशिने प्रवृत्तिबीच स्वदेशमै केही गर्नुपर्छ भन्ने साहसका साथ करोडौं कर्जा लिई लगानी गरेका थियौं । तर पछिल्ला घटनाक्रमले नेपालमै बसेर केही गर्न खोज्नु गल्ती भयो कि भन्ने सोच्न बाध्य बनाएको छ, प्रेस विज्ञप्तिमा भनिएको छ ।

घटनामा संलग्न समूहलाई वास्तविक जेन–जी आन्दोलनकारी नभई ‘आर्थिक, राजनीतिक र व्यक्तिगत स्वार्थका लागि सक्रिय आपराधिक गिरोह’ भएको ठहर गर्दै सञ्चालकहरूले निष्पक्ष छानबिन गरी कानुनअनुसार कारबाही गर्न माग गरेका छ ।
आधुनिक संरचनासहित निर्माण भएको पोखरा इभेन्ट सेन्टरमा दुई हजार क्षमताको एउटै हल, पाँच हजारसम्मलाई सेवा दिन सक्ने क्षमता, आठ वटा बहुउद्देश्यीय हल, स्थायी ३५ जनालाई रोजगारी र सयौंलाई आंशिक रोजगारी दिने पूर्वाधार भएको बताएका छन् । उनीहरूका अनुसार यो संरचनाले पर्यटन प्रवद्र्धन, रोजगारी सिर्जना, प्रवासी नेपालीको लगानी आकर्षण, अन्तर्राष्ट्रिय सम्मेलन र सांस्कृतिक कार्यक्रममा योगदान गर्दै आएको थियो ।

‘पोखरा इभेन्ट सेन्टरमा भौतिक क्षति पु¥याइएको छ, हाम्रो सपना र उत्साहमा होइन । हाम्रो सम्पत्ति जलेपनि आँट र साहस जलेको छैन । यो केवल केही लगानीकर्ताको सम्पत्ति मात्र होइन, पोखरालीको पनि साझा संरचना थियो,’ विज्ञप्तिमा भनिएको छ ।