पाेखरा । सिंहदरबारभित्रका विभिन्न मन्त्रालयको मर्मत सम्भार सुरु भएकाे छ । जेनजी आन्दोलनका क्रममा आगजनीबाट सिंहदरबारभित्र क्षति पुगेकाे थियाे ।

आन्दोलनका क्रममा गत भदौ २४ गते जलेर क्षतिग्रस्त बनेको सिंहदरबारका केहि मन्त्रालयबाटै पुन काम सुरु गर्न मर्मतसम्भारका साथै रंगरोगन भएको हो ।

आगजनी तथा तोडफोडबाट क्षति भएका मन्त्रालयका झ्याल ढोका परिवर्तन गर्ने, फर्निचर लगाएतका आवश्यक सामाग्री राख्ने काम भइरहेको शहरी विकास मन्त्रालयले जनाएको छ ।

सिंहदरबारमा आगजनी हुँदा प्रधानमन्त्री कार्यालय, गृहमन्त्रालय लगाएतका केहि मन्त्रालय पूर्ण रुपमा ध्वस्त भएको छ भने केही मन्त्रालयमा आंशिक क्षति मात्र भएको छ । सुरक्षा मापदण्डलाई ध्यानमा राख्दै मर्मत सम्भारको काम भइरहेको बताइएको छ ।