पोखरा ।
कुँडहर सहकारीको सोमबार १७ औं साधारण सभा भएको छ । सहकारीका अध्यक्ष विश्वबन्धु थापाको अध्यक्षतामा कार्यक्रम भएको हो ।

सहकारीका कोषाध्यक्ष राजेन्द्र वाग्लेले सहकारीको जम्मा आम्दानी ५ करोड २० लाख रहेको जानकारी दिए । जम्मा खर्च ४ करोड २३ लाख छ भने नाफा लगभग १ करोड रहेको उनले बताए । आगामी आर्थिक वर्षमा लगभग १८ लाख बढि आम्दानी गर्ने योजना रहेको उनले सुनाए ।

सहकारीमा २ हजार ४६५ सेयर सदस्य छन् । कार्यक्रममा ज्येष्ठ नागरिक र कक्षा ८ र एसइई मा उत्कृष्ट नतिजा ल्याएका विद्यार्थीलाई सम्मान गरिएको थियो ।

संस्थाका शेयर सदस्यले यूआरएलमा ३० प्रतिशत छुट मणिपाल शिक्षण अस्पतालमा १० देखि २५ प्रतिशत सम्म छुट सम्झौता गरिएको अध्यक्ष थापाले बताए ।

संस्थामा कार्यरत कर्मचारी संञ्चालक समिति र लेखासमितिका पदाधिकारीहरु सबैको दुर्घटना बिमा गरिएको उनको भनाइ छ ।
संञ्चालक र कर्मचारीलाई सहकारी संञ्चालन, समस्या र समाधान सम्बन्धि तालिम प्रदान गरिने योजना रहेको थापाले जानकारी दिए । साथै सदस्यलाई सहकारी सचेतना मूलक, सेवा सुविधा आर्थिक सहभागिता मुलक तालिम दिइनेछ ।

उनका अनुसार उत्पादनशील रोजगारी सृजनशील कार्यक्रमलाई विशेष प्राथमिकता दिने एवम् विशिष्टीकृत क्षेत्रको लगानीलाई बढवा दिने योजना छ ।

सहकारीका लेखा संयोजक शुक्रराज अधिकारीले विभिन्न परिस्थितिले लगानी कम हुँदै गएकोप्रति चिन्ता व्यक्त गर्दै लगानीका लागि नयाँ क्षेत्रको पहिचान गर्ने तथा उत्पादनशिल क्षेत्रमा ऋण प्रदान गर्न आवश्यक रहेको बताए ।

सहकारीका सदस्यले सहकारीबाटै कारोबार गरेमा सहकारी सशक्त हुने भनाइ राखे । संस्थाका कर्मचारी र सदस्यको मनोबल बढाउने कार्यक्रम गर्न सकेमा सहकारीलाई फाइदा हुने अधिकारीको भनाइ छ ।