पोखरा । पोखराको न्युरोडमा रहेको गुरुङ गहना घरले आफ्नो पहिलो शाखा बिस्तार गरेको छ ।  

चार वर्ष अघिदेखि सञ्चालनमा रहेको गुरुङ गहना घरले ग्राहकको सहजताको लागि थप व्यवस्थित रुपमा आफ्नो पहिलो शाखा पोखराको न्युरोडमै विस्तार गरेको हो ।

 सोमबारदेखि सञ्चालनमा आएको शाखा गुरुङ गहना घरको मुख्य ठाउँबाट ४-५  घर उत्तरतर्फ रहेको छ । ग्राहकको चापलाई ध्यान दिएर केही फराकिलो ठाउँबाट र व्यवस्थित रुपमा सेवा दिने लक्ष्यका साथ शाखा बिस्तार गरेको गुरुङ गहना घरकी सञ्चालिका सीमा गुरुङले जानकारी दिइन् ।

साविक पसलबाट पनि गरगहना खरिद बिक्री भइरहने बताइन् । पहिलेको ठाउँमा पनि पसल यथावत रहन्छ । ग्राहकको माया र सद्भावकै कारण यहाँसम्म आएको र आगामी दिनमा पनि उनीहरूको सुझाव अनुसार नै अगाडि बढ्ने उनले सुनाइन् । गुरुङ गहना घरका प्रबन्ध निर्देशक नेल्सन गुरुङले पनि ग्राहकको अपार मायाका कारण नयाँ शाखा खोल्न सकिएको बताए । युवाहरूको विदेश पलायन बढिरहँदा आफूले स्वदेशमै केही गर्ने हुटहुटीसँगै व्यवसाय सम्हाल्दै आएको र अहिले आएर शाखा बिस्तार गरेर सेवा दिन लागेको उनको भनाई छ । गुरुङ गहना घरले व्यवसाय सँगसँगै संस्थागत सामाजिक उत्तरदायित्व पनि निर्वाह गर्दै आएको छ । केही समय अगाडि उसले वृहत रक्तदान कार्यक्रम समेत आयोजना गरेको थियो ।

गहना घरको भुँइतलाबाट सुनका गरगहना र पहिलो तलाबाट चाँदीका गरगहना बिक्री गर्न लागिएको छ । ग्राहकको आवश्यकतालाई ध्यान दिदैँ संस्कार संस्कृति अनुसारका गरगहना उपलब्ध गराउने प्रयास गरिएको र प्रदान गर्ने सेवा सुविधाका कारण ग्राहकको माया थपिदै गएको सञ्चालकको भनाइ छ ।