पोखरा ।

शिक्षा, विज्ञान तथा प्रविधि मन्त्री महावीर पुन पोखराको नदीपुर र आसपासका सडकमा सामान्य नागरिक झै भेटिन्छन् । उनी
दसैंको फूलपातीको दिन कुनै सुरक्षाकर्मी नलिई पोखरा आइपुगेका हुन्। जहाजमार्फत पोखरा आइपुगेका उनी ट्याक्सीमा नदीपुरस्थित निवास पुगेका थिए ।

पोखरा आएलगत्तै उनी श्रीमतीसँग किनमेलका लागि बजार निस्किएका थिए । नदीपुरतिरकै पसलमा उनले तरकारी किनेको र सामान्य नागरिक झै हिँडडुल गरेको तस्बिर उनका छिमेकीहरुले सामाजिक सञ्जालमा राखेका छन् ।