पुतलीबजार ।

स्याङ्जा प्रहरीले फेसबुकमार्फत जिल्ला र प्रहरीविरुद्ध ‘अनर्गल, झुटो र कपोलकल्पित’ सामग्री पोस्ट गरेको आरोपमा एक जनालाई पक्राउ गरेको छ। ‘पुष्पक’ नामको फेसबुक पेज सञ्चालन गर्ने पुष्पक थापालाई पक्राउ गरिएको जिल्ला प्रहरी कार्यालय स्याङ्जाले जनाएको छ।

प्रहरीका अनुसार, ३३ वर्षीय थापा कास्कीको पोखरा महानगरपालिका वडा नम्बर ९ का बासिन्दा हुन्। प्रहरी निरीक्षक कमल नेपालीले थापालाई पक्राउ गरी आवश्यक कानुनी कारबाहीको प्रक्रिया अगाडि बढाइएको बताए। थापामाथि फोटोसहित आपत्तिजनक विवरण पोस्ट गरेको आरोप छ।