माण्डले भूपू संघ पोखराको सभा

पोखरा ।
भारतीय गोर्खा सेना अन्तरगत ४/४ जिआर माण्डले भूपू संघ पोखराको चौथो वार्षिक साधारण सभा, दसैं, तिहारको शुभकामना आदानप्रदान कार्यक्रम शनिबार पोखरामा भएको छ ।
कार्यक्रमका प्रमुख अतिथि क्या. जसबहादुर गुरुङले कार्यक्रम उद्घाटन गर्दै सेवामा हुँदा पनि साथमा भएको बताउँदै सेवा निवृत्त पछि पनि साथमै एक परिवार भएर रहन पाएकोमा खुसी लागेको सुनाए ।
काफर हुनु भन्दा मर्नु राम्रो भन्ने नारामा विश्वास गर्ने भारतिय गोर्खा सेनामा लामो समय विभिन्न दर्जामा सेवा गरेर निवृत्त भएका भूपू भारतीय सैनिकहरुको साझा संस्थाले विभिन्न सामाजिक कार्यहरु गर्दै आएको संघका अध्यक्ष सुमे लीलबहादुर गुरुङले बताए ।
सो अवसरमा जिल्ला समन्वय समिति पर्वतका उपाध्यक्ष सोम जिसी, संस्थापक अध्यक्ष क्या. बुद्धिमान गुरुङ, सल्लाहकारहरु मे. केके गुरुङ र नायक रामप्रसाद गुरुङ, एसएम क्या. रामलक्ष्मण थापा, सुमे चेतबहादुर गुरुङ लगाएतले शुभकामना मन्तव्य दिएका थिए ।
सभाले सचिव ह. खेमबहादुर गुरुङको वार्षिक प्रगति प्रतिवेदन र कोषाध्यक्ष क्या. दिलबहादुर थापाको आर्थिक प्रतिवेदन सर्वसम्मत पारित गरेको थियो ।
साधारण सभाको अवसरमा सु. चन्द्र बहादुर गर्बुजालाई सम्मान पत्र र खादाले सम्मान गरिएको थियो भने ८० बर्ष माथिको जेष्ठ सदस्य सम्मानबाट क्या. शेरबहादुर गुरुङलाई सम्मान गरिएको थियो । संघका अध्यक्ष सु.मे. लिल बहादुर गुरुङको अध्यक्षतामा भएको कार्यक्रममा स्वागत सहसचिव कृष्णमान श्रेष्ठले र संचालन सचिव ह. खेमबहादुर गुरुङले गरेका थिए ।








लेखनाथमा भोलिबाट महोत्सव
मादी पुल वैशाखभित्रै बन्ने
सम्पादकीय—निर्वाचन सुरक्षा र प्रहरी प्रशासनको दायित्व
निर्वाचन ७८ दिन बाँकी : चुनाव प्रचारमा १० वटा मात्रै झण्डा, घरदैलोमा २५ जनाभन्दा बढी जान नपाइने
निकासबिना पोखरामा साढे ३ करोडको पक्की पुल, राज्यस्रोतको दोहन
राष्ट्रिय माध्यमिक विद्यालयको जग्गा प्रकरण : ८ जना विरुद्ध भ्रष्टाचार मुद्दा दायर
एमाले गण्डकी अध्यक्ष शर्माका १२ वर्षीय छोराको निधन
पृथ्वीनारायण क्याम्पसमा भौतिकशास्त्रका विद्यार्थीलाई अनुसन्धान र लेखनसम्बन्धी प्रशिक्षण
तपाईको प्रतिक्रिया