पोखरा ।
प्रधानमन्त्रीको नियुक्ति र प्रतिनिधि सभा विघटन विरुद्ध दुई जना जेनजी विद्यार्थीले सर्वोच्च अदालतमा रिट दायर गरेका छन्।

काठमाडौं विश्वविद्यालयमा कानुन विषयमा अध्ययनरत विपना शर्मा र आयुष बडालले रिट दायर गरेका हुन् ।

रिट निवेदनमा संवैधानिक व्यवस्था र शासन पद्धतिअनुसार संसदलाई प्रधानमन्त्री नियुक्ति भएको जानकारी नभएको र संसदबाट विश्वासको मत प्राप्त नभएको अवस्था रहेको उल्लेख छ।

रिटमा राष्ट्रपतिबाट संविधान र संघीय कानुन बमोजिम आफ्नो कार्यसम्पादन नभएको र संविधानको खुला एवं स्पष्ट उल्लंघन भएको उल्लेख छ।

राष्ट्रपति रामचन्द्र पौडेलले संविधानको धारा ६१ अनुसार गत असोज २७ गते पूर्वप्रधानन्यायाधीश सुशीला कार्कीलाई प्रधानमन्त्री नियुक्त गरेका थिए।

प्रधानमन्त्रीको नियुक्ति असंवैधानिक भएकाे तथा सर्वोच्च अदालतका पूर्वन्यायाधीशलाई सरकारी पदमा बस्न नमिल्ने संविधानको व्यवस्थाबारे पनि रिटमा उल्लेख छ।