. काठमाडौं – विपिन जोशीको मृत्यु टाउकोमा गोली लागेर भएको इजरायलले पठाएको फरेन्सिक परीक्षण रिपोर्टमा उल्लेख छ। इजरायलको ‘द नेसनल सेन्टर अफ फरेन्सिक मेडिसिन’ को उक्त परीक्षण प्रतिवेदनले विपिनको टाउकोमा गोली लागेर मृत्यु भएको पुष्टि गरेको हो।

आज महाकाली नदी किनारमा विपिनको अन्त्येष्टि गरिँदै छ।

दुई वर्षअघि सुदूरपश्चिम विश्वविद्यालयको ‘लर्न एन्ड अर्न’ कार्यक्रमअन्तर्गत इजरायल पुगेका विपिन इजरायल पुगेको एक महिनामै हमासको आक्रमणमा परेका थिए। उक्त आक्रमणमा सुदूरपश्चिम विश्वविद्यालयका १० विद्यार्थीको मृत्यु भएको थियो भने विपिनलाई बन्धक बनाइएको थियो। इजरायल र हमासबीच युद्धविराम भएपछि विपिनको मृत्यु भएको पुष्टि भएको थियो।

---