पोखरा ।
सामसङ नेपालले आफ्नो नवीनतम फोल्डेबल स्मार्टफोनहरू ‘ग्यालेक्सी जेड फोल्ड ७’ र ‘ग्यालेक्सी जेड फ्लिप ७’ सार्वजनिक गरेको छ । शार्क ट्यांक नेपाल, हिमालय टिभी र सामसङ नेपालबीचको सहकार्यमा आयोजना गरिएको सो कार्यक्रममा सामसङले फोल्डेबल प्रविधिको नयाँ पुस्तालाई नेपाली बजारमा प्रस्तुत गरेको हो ।

कार्यक्रममा सहभागी शार्कहरूले नयाँ पुस्ताका यी फोल्डेबल डिजाइन, कार्यसम्पादन र एआई–सञ्चालित सुविधाहरूको प्रत्यक्ष अवलोकन तथा अनुभव गरे । सामसङ नेपालका निर्देशक प्रणयरत्न स्थापितले ग्यालेक्सी जेड फोल्ड ७ र फ्लिप ७ ले नवप्रवर्तन र बहुमुखी प्रतिभाको नयाँ पहिचान दिएको बताए ।

ग्यालेक्सी जेड फोल्ड ७ ले फराकिलो डिस्प्ले र उन्नत मल्टिटास्किङ क्षमतामार्फत उत्पादकतालाई नयाँ स्तरमा पु¥याउने बताइएको छ । ग्यालेक्सी जेड फ्लिप ७ ले स्टाइलिस तर शक्तिशाली प्रदर्शनमार्फत युवा पुस्तालाई लक्षित गर्दै फोल्डेबल प्रविधिलाई अझ आकर्षक बनाएको छ ।

शार्क ट्यांक नेपालसँगको सहकार्यले प्रविधि, मिडिया र उद्यमशीलता क्षेत्रबीच नवीनतालाई एकीकृत गर्दै नयाँ पुस्ताका परिवर्तनकारीहरूलाई प्रेरित गर्ने उद्देश्य बोकेको छ । यस साझेदारीमार्फत सामसङले नेपाली बजारमा फोल्डेबल प्रविधिको अग्रणी प्रस्तुतिकर्ता भएर उद्यमी, नवप्रवर्तक र सिर्जनाकर्तालाई सशक्त पार्ने प्रतिबद्धता दोहोर्‍याएको छ ।