पोखरा ।
बाँझापाटन १३ (बि१३) को आयोजनामा पोखरामा म्युजिकल फेस्ट २०२५ हुने भएको छ । पोखरा १३ बाँझापाटनमा आगामी बुधबार उक्त फेस्ट हुने भएको हो ।

खेलकुद र सामाजिक कार्यमा क्रियाशील बाझापाटन क्लबको आयोजना तथा सत्य युवा क्लबको प्रस्तुतिमा सांगीतिक कार्यक्रम आयोजना गर्न लागेको बि १३ का अध्यक्ष हितमान गुरुङले जानकारी दिए । कार्यक्रमबाट बचेको रकम सामाजिक कार्यमा खर्च गर्ने उनले जानकारी दिए ।सांगीतिक साँझमा दि लोकल्स, ड्रिर्मज, शैलु राई लगायतको प्रस्तुति रहनेछ । उक्त कार्यक्रमका लागि टिकट शुल्क प्रि–सेल १ हजार र डोर–सेल १ हजार ५ सय रुपैयाँ तोकिएको छ ।

कार्यक्रमका लागि बाझापाटन (बि १३) हङकङ, युके, युएसए, फ्रान्स, पोर्चुगल, युएई, क्रोयसिया, पोल्यान्ड, मकाउ र जापानको सहयोग रहेको छ । रोजगारको शिलशिलामा विदेश पुगेका युवाले आफ्नो ठाउँको विकासका लागि विदेशमा समेत शाखा स्थापना गरी हरेक वर्ष विभिन्न सामाजिक कार्य गर्दै आएको गुरुङले बताए ।