पोखरा ।
कामना सेवा विकास बैंकले चालु आर्थिक वर्षको पहिलो त्रैमासमा १९ करोड ७६ लाख रुपैयाँ खुद नाफा कमाएको छ । बैंकको अपरिष्कृत वित्तीय विवरणअनुसार असोज मसान्तसम्ममा बैंकले ६३ अर्ब ७८ करोड रुपैयाँ निक्षेप संकलन गरेको छ । सोही अवधिमा बैंकले ५३ अर्ब ४५ करोड रुपैयाँ कर्जा प्रवाह गरेको जनाएको छ ।

बैंकको कुल सम्पत्ति ७१ अर्ब ६३ करोड रुपैयाँ पुगेको छ । यसको कर्जा निक्षेप अनुपात ८६.३५ प्रतिशत छ । बैंकको निष्कृय कर्जा अनुपात ४.४१ प्रतिशत रहेको वित्तीय विवरणमा उल्लेख छ ।

कामना सेवा विकास बैंकले हालै ‘डोरस्टेप बैंकिङ’ सेवा सुरु गरेको छ । यो सेवाअन्तर्गत ग्राहकले घरमै बसेर डिजिटल प्रविधिमा आधारित बैंकिङ सेवा पाउन सक्नेछन् । बैंकका अनुसार यो नेपालको बैंकिङ इतिहासमै नौलो उत्पादन हो ।

यसअघि, बैंकको १९ औँ वार्षिक साधारणसभाले आर्थिक वर्ष २०८१/८२ को सञ्चित नाफाबाट सेयरधनीलाई १५.७८९५ प्रतिशत लाभांश दिने प्रस्ताव स्वीकृत गरेको थियो ।