पोखरा ।

लायन्स क्लब पोखरा अन्नपूर्णकाे आयाेजनामा रक्तादान कार्यक्रम भएकाे छ । दोर्जि डम्लुङ्गले ७० औं पटक रक्तदान गरेका क्लबका निवर्तमान अध्यक्ष गणेश छबिलाई ब्लड ब्याग हस्तातरण गरी कार्यक्रमकाे शुभारम्भ गरे । क्लबले गरेको उत्कृष्ट कामले हौसला भएको डम्लुङ्गले बताए ।

क्याम्पका प्रमुख तेजिङ्ग पाल्देनले क्लब उदाहरणीय सामाजिक संस्था भएको र यसको काम अतुलनिय रहेको बताए । कार्यक्रम संयोजक सोनाम साङ्गपोले ४३ युनिट रगत संकलन भएकाे जानकारी दिए ।

कार्यक्रममा पोखरा महानगरपलिका वडा न. ३ का पूर्ववडा अध्यक्ष रबिसन्स प्रजू , रिजन चियर पर्सन दिनेश तुलाचन, पूर्व अध्यक्षहरु दुधमान गुरुङ, डम्मरसिंह गुरुङ, सुरेशबहादुर श्रेष्ठ, कृष्णप्रसाद श्रेष्ठले बाेलेका थिए । कोषाध्यक्ष प्रदीप राजभण्डारी कार्यक्रम संञ्चालन गरेका थिए भने सभापतित्व क्लबका प्रथम उपाध्यक्ष दुर्गा जोजिजुले गरेका थिए ।