लण्डन ।
लण्डनमा सम्पन्न डब्लुटिएम मा सहभागी नेपली व्यवसायीले असन्तुष्टी व्यक्त गरेका छन् । यो विश्व कै ठुलो मध्येको एक पर्यटन मेला हो । तर नेपालको स्टल राख्ने ठाउँ र स्टल व्यवस्थापन झुर भएको भन्दै नेपाली व्यवसायीहरु नेपाल पर्यटन बोर्डसँग रुष्ट भएका हुन् ।

डब्लुटिएममा नेपालका २७ व्यवसायी सहभागी थिए । उनीहरु प्रत्यकले नेपाल पर्यटन बोर्डलाई २ लाख ५० हजार रुपैयाँका दरले सहभागिता शुल्क बुझाएका थिए भने आतेजाते र लण्डन बसाई खर्च व्यवसायी आफैले ब्यहोरेका थिए ।

यति धेरै लगानी गरेर आउदा पनि पर्यटन बोर्डको व्यवस्थापकिय कमजोरीका कारण नेपाल छायामा परेको व्यवसायीको गुनासो छ । व्यवसायी सबैले पर्यटन बोर्डका प्रमुख कार्यकारी अधिकृत दीपक जोशीलाई महोत्सव स्थल मै ज्ञापनपत्र बुझाउँदै रकम फिर्ता मागेका छन् ।

ज्ञापनपत्र बुझ्दै जोशीले कमजोरी भएको स्विकार गर्दै नियतवस नभएको बताए । ठुलो ठाउँ लिने प्रयास गर्दा कुनामा परेको उनको भनाइ छ ।

व्यवसायीले बोर्डका अध्यक्ष एवं पर्यटन मन्त्रालयका सचिव हरि प्रसाद मैनालीलाई ज्ञापन पत्र बुझाउने प्रयास गरेका थिए । तर मेलाको समापनको दिन सचिव मैनाली महोत्सव स्थलमा नआएका कारण सिईओ जोशीलाई बुझाएका थिए ।