पोखरा । विन्ध्येश्वरी आदर्श बोर्डिङ स्कुल, मोहरिया टोल, पोखरा–१, कास्कीमा शुक्रबारे कार्यक्रम अन्तर्गत अंग्रेजी स्किल टेस्ट कार्यक्रम सम्पन्न गरियो ।

माध्यमिक तहमा गरिएको उक्त कार्यक्रममा हरियो सदनबाट कक्षा १० मा अध्ययनरत छात्र श्रीष बुद्धाचार्य, कक्षा ९ मा अध्ययनरत छात्रा प्रिस्किला तामाङ र कक्षा ८ मा अध्ययनरत छात्रा मेहुली मन्ना प्रथम र रातो सदनबाट कक्षा १० मा अध्ययनरत छात्रा प्रशंसा कार्की, कक्षा ९ मा अध्ययनरत छात्र दिवस घिमिरे र कक्षा ८ मा अध्ययनरत छात्र विनायक गिरी द्वितीय भएका छन् ।

विद्यालयका सह–प्राचार्य नीलकण्ठ पौडेलले उक्त विजेताहरूलाई पुरस्कार तथा प्रमाणपत्र वितरण गरे। यस कार्यक्रमको सञ्चालन अंग्रेजी शिक्षक होमराज अधिकारीले गरेका थिए साथै अतिरिक्त क्रियाकलाप प्रमुख राजु बयलकोटीले सहजीकरण गरेका थिए ।