बागलुङ। बागलुङको बोबाङबाट ढोरपाटनतर्फ जाँदै गरेको एउटा पिकअप जिप दुर्घटना हुँदा एक जनाको ज्यान गएको छ। शुक्रबार राति १० बजे ढोरपाटन नगरपालिका ९, चौबिरमा भएको यो दुर्घटनामा परी स्थानीय राजिन्द्र अदैको मृत्यु भएको ढोरपाटन नगरपालिकाका कार्यवाहक प्रमुख कल्याण कायतले बताए।

उनका अनुसार जिप दुर्घटनामा अन्य चार जना घाइते भएका छन्। घाइतेहरूको उपचारका लागि बुर्तिबाङ अस्पतालमा लगिएको छ । बोबाङबाट ढोरपाटन जाँदै गरेको उक्त पिकअप जिपमा कुल पाँच जना यात्रु चढेका थिए। प्रारम्भिक जानकारी अनुसार, उकालोमा ब्रेक फेल हुँदा जिप दुर्घटनामा परेको हो।